ព័ត៌មាននិងព្រឹត្តិការណ៌ | ទំនាក់ទំនង | ភ្ជាប់ទៅកាន់វេបសាយផ្សេងៗ
 
 

 

 

ការទ្រទ្រង់សារណារបស់និស្សិតមហាវិទ្យាល័យបុរាណវិទ្យា ជំនាន់ទី២៧ ថ្ងៃទី ៣-៤ ខែតុលា ឆ្នាំ២១០១៩

ថ្ងៃទី ៥ ខែ តុលា ឆ្នាំ២០១៩

ថ្ងៃព្រហស្បតិ៍ ៥ កើត ខែអស្សុជ ឆ្នាំកុរ ឯកស័ក ពុទ្ធសរាជ ២៥៦៣ ត្រូវនឹងថ្ងៃទី៣ ខែតុលា​ ឆ្នាំ២០១៩ នៅសាកលវិទ្យាល័យភូមិន្ទវិចិត្រសិល្បៈ ដោយមាន ថ្នាក់ដឹកនាំ សាស្រ្តាចារ្យ មន្រ្តីរាជការ​នៃមហាវិទ្យាល័យបុរាណវិទ្យា បានរៀបចំការបង្ហាញស្នាដៃប្រឡង​បញ្ចប់​បរិញ្ញាបត្រជំនាន់ទី​២៧​ របស់​ខ្លួន ក្រោមអធិបតីភាព បើកឲ្យ ដំណើរការ​កម្មវិធី​ដោយ ឯកឧត្តម សោម​ សុគន្ធ​ រដ្ឋ​លេ​ខា​ធិការ​ក្រសួង​វប្បធម៌​​និង​វិចិត្រ​សិល្បៈ​ និង​ឯកឧត្តម បណ្ឌិត​ ហេង​ សុផាឌី​ សាកល​វិទ្យា​ធិការ​ នៃ​សាកល​​​វិទ្យា​​ល័យ​​ភូមិន្ទ​វិចិត្រ​សិល្បៈ។
នេះជាលើកទី២៧ហើយ ដែលមហាវិទ្យា​ល័យបុរាណ​វិទ្យា​បាន​ប្រារព្ធ​ពិធី​ទ្រទ្រង់​សារណា​បញ្ចប់​ថ្នាក់​បរិញ្ញាបត្រ​បុរាណ​វិទ្យា​ដល់​និស្សិត​ គិតចាប់​ពី​ការ​ បើក​ទទួល​និស្សិតឲ្យចូលមកសិក្សានៅ​មហាវិទ្យាល័យ​បុរាណ​វិទ្យា​ឡើង​វិញនាឆ្នាំ​១៩៨៩។
មកដល់សព្វថ្ងៃ មហាវិទ្យា​ល័យ​មាន​​គោលការណ៍រួមគឺ ការបណ្តុះបណ្តាលធនធានមនុស្ស​ក្នុងផ្នែក​​បុរាណ​វិទ្យានិង​នរវិទ្យា​ ដើម្បីបម្រើក្នុងវិស័យ វប្បធម៌ជាតិ។  ក្រៅពីការបណ្តុះបណ្តាលនៅក្នុងសាកលវិទ្យាល័យ យើងក៏បានខិតខំពង្រីកកិច្ចសហប្រតិបត្តិការ​ជាមួយ អង្គការ ​ស្ថាប័ន​ជាតិ និងអន្តរ​ជាតិ​នានា​ ដែលជាដៃគូ ដើម្បី​  ផ្តល់ជាចំណេះដឹង និងបទពិសោធន៍ការងារបន្ថែមទៀតដល់និស្សិតគ្រប់ជំនាន់​។​
គិតមកដល់ឆ្នាំសិក្សា២០១៨ កន្លង​ទៅ មហាវិទ្យាល័យបានបណ្តុះបណ្តាលអ្នកឯកទេសបុរាណវិទ្យា​បាន​ចំនួន ៧០២ រូប ដែលកំពុងបម្រើ​ការងារ នៅក្នុងស្ថាប័នជាតិ និងអន្តរ​ជាតិ​ជាច្រើន​ និងមួយចំនួនទៀតកំពុងបន្តការសិក្សារបស់ខ្លួននៅបរទេស ទាំង​ថ្នាក់​អនុបណ្ឌិត ទាំង​ថ្នាក់​បណ្ឌិត​។
ឆ្នាំ​២០១៩​នេះ និស្សិតដែលកំពុងត្រៀមខ្លួន ឡើង​​ការ​ពារស្នា​ដៃសារណា​របស់​​ខ្លួន​ក្នុង​ពេល​បន្តិច​ទៀតនេះមានចំនួន​១១នាក់  ក្នុងនោះមានស្រីនាក់។​   ប្រធានបទដែលត្រូវឡើងការពារ​នៅពេល​នេះ​ មាន​ក្នុង​ផ្នែក​​បុរាណវិទ្យា​ចំនួន១០ប្រធានបទ​ និងផ្នែក​​​នរវិទ្យា​ ចំនួន​ប្រធានបទ។

សាកលវិទ្យាល័យភូមិន្ទវិចិត្រសិល្បៈ និងវិទ្យាស្ថានសិល្បៈ(Institute Seni Indonesia)

ថ្ងៃទី ២៦ ខែ កញ្ញា ឆ្នាំ២០១៩

នាព្រឹកថ្ងៃទី២៦ ខែកញ្ញា ឆ្នាំ២០១៩នេះ សាកលវិទ្យាល័យភូមិន្ទវិចិត្រសិល្បៈបានទទួលស្វាគមន៍ដំណើរទស្សនកិច្ចរបស់គណៈប្រតិភូចំនួន២៦រូប មកពីវិទ្យាស្ថានសិល្បៈ (Institute Seni Indonesia) ដែលមានទីតាំងនៅទីក្រុង Yogyakarta ប្រទេសឥណ្ឌូណេស៊ី។

គណៈប្រតិភូទាំង២៦រូបដឹកនាំដោយលោកស្រីសាស្ត្រាចារ្យបណ្ឌិត Hermien Kusmayati និងសាស្ត្រាចារ្យចំនួន៥រូបទៀតដែលជាថ្នាក់ដឹកនាំ របស់វិទ្យាស្ថានសិល្បៈ Institute Seni Indonesia។ សមាជិកគណៈប្រតិភូដទៃទៀតគឺជានិស្សិតផ្នែករបាំ និងតូរ្យតន្ត្រី។

នាជំនួបរវាងថ្នាក់ដឹកនាំសាកលវិទ្យាល័យភូមិន្ទវិចិត្រសិល្បៈដឹកនាំដោយឯកឧត្តមបណ្ឌិត ហេង សុផាឌី សាកលវិទ្យាធិការ និងគណៈប្រតិភូ នៃវិទ្យាស្ថានសិល្បៈ Institute Seni Indonesia ភាគីទាំងពីរបានលើកពីសក្តានុពលនៃស្ថាប័នរបស់ខ្លួនរៀងៗខ្លួនដើម្បីឈានទៅរកការពង្រឹងវិស័យណាមួយតាមស្ថានភាពជាក់ស្តែង។

ជាមួយគ្នានោះដែរ ភាគីទាំងពីរមានគម្រោងនឹងធ្វើសហប្រតិបត្តិការនាថ្ងៃអនាគតដើម្បីផ្តល់ឱកាសដល់សាស្ត្រាចារ្យ និងនិស្សិតនៃស្ថាប័នទាំងពីរ អាចផ្លាស់ប្តូរបទពិសោធន៍ពីគ្នាទៅវិញទៅមកទាក់ទិននឹងវិស័យសិល្បៈ និងវប្បធម៌ និងឈានទៅរកការចុះអនុស្សរណៈរួមគ្នា។

ក្រោយពីពិភាក្សាគ្នារួច ភាគីទាំងពីរបានធ្វើការសម្តែងសិល្បៈរួមគ្នា ដើម្បីផ្លាស់ប្តូរបទពិសោធន៍ផ្នែកសិល្បៈនិងពង្រឹងមិត្តភាពឱ្យកាន់តែជិតស្និទ្ធ រវាងស្ថាប័នទាំងពីរ។

ការបង្ហាញស្នាដៃប្រឡងបញ្ចប់បរិញ្ញាបត្រជំនាន់ទី១៨របស់មហាវិទ្យាល័យតូរ្យតន្រ្តី

ថ្ងៃទី ០២ ខែ កក្កដា ឆ្នាំ២០១៩

កាលពីព្រឹកថ្ងៃអង្គារ ១ កើត ខែអាសាឍ ឆ្នាំកុរ ឯកស័ក ពុទ្ធសរាជ ២៥៦៣ ត្រូវនឹងថ្ងៃទី២ ខែ​កក្កដា​ ឆ្នាំ២០១៩  នៅសាកលវិទ្យាល័យភូមិន្ទវិចិត្រសិល្បៈ ថ្នាក់ដឹកនាំ សាស្រ្តាចារ្យ មន្រ្តីរាជការ​នៃមហាវិទ្យាល័យតូរ្យតន្រ្តី បានរៀបចំការបង្ហាញស្នាដៃប្រឡង​បញ្ចប់​បរិញ្ញាបត្រជំនាន់ទី​១៨​របស់​ខ្លួន ក្រោមអធិបតីភាព បើកឲ្យ ដំណើរការ​កម្មវិធី​ដោយ ឯកឧត្តម សោម​ សុគន្ធ​ រដ្ឋ​លេ​ខា​ធិការ​ក្រសួង​វប្បធម៌​​និង​វិចិត្រ​សិល្បៈ​ និង​លោក​បណ្ឌិត​ ហេង​ សុផាឌី​ សាកល​វិទ្យា​ធិការ​ស្ដី​ទី​ នៃ​សាកល​​​វិទ្យា​​ល័យ​​ភូមិន្ទ​វិចិត្រ​សិល្បៈ។​
ការ​បង្ហាញស្នាដៃប្រឡងបញ្ចប់បរិញ្ញាបត្រឆ្នាំនេះ យើង​ទទួល​​​​បាន​បេក្ខ​ជន​​ចំនួន​១៥រូបរួមមានៈ ឯកទេស ជាតិពិន្ទុតន្រ្តីវិទ្យា ចំនួន២រូប ឯកទេស​ឧបករណ៍ ឃឹម ចំនួន​៣រូប ឯកទេស​ឧបករណ៍ រនាតឯក ចំនួន២រូប ឯកទេសឧបករណ៍ ស្គរ (Drum set ស្គរអន្តរជាតិ) ចំនួន២រូប ឯកទេស ចម្រៀងជាពួក ចំនួន៤រូប ឯកទេស ចម្រៀងបុរាណ ចំនួន១រូប និងឯកទេស និពន្ធតន្រ្តី ចំនួន១រូប។ នេះជា​សមិទ្ធផល​ថ្មីមួយក្នុ​ង​ចំណោមសមិទ្ធផល​ជាច្រើន​ទៀត​ដែល​​​​​​សាកលវិទ្យាល័យភូមិន្ទ​វិចិត្រសិល្បៈទទួលបាន​ពីការខិតខំប្រឹងប្រែងក្នុងការ​បណ្តុះ​​ បណ្តាលធនធានមនុស្ស​លើ​វិស័យ​​វប្បធម៌សិល្បៈ ជាពិ​សេស​​​​​​​សិល្បៈតូរ្យ​តន្រ្តី។

កម្មវិធីនៃការបង្ហាញស្នាដៃ​ប្រឡង​​បញ្ចប់បរិញ្ញាបត្រ​ជំនាន់ទី១៨ នៃមហាវិទ្យាល័យតូរ្យតន្រ្តីបាន​បញ្ចប់ទៅនៅល្ងាចថ្ងៃពុធ ២ កើត ខែ​អាសាឍ ឆ្នាំកុរ ឯកស័ក ពុទ្ធសរាជ ២៥៦៣ ត្រូវនឹងថ្ងៃទី៣ ខែ​កក្កដា​ ឆ្នាំ២០១៩ ប្រកប​ដោយផ្លែផ្កា ក្រោម​អធិបតី​ភាព​ប្រកាសបិទកម្មវិធីដោយ ឯកឧត្តម សោម​ សុគន្ធ​ រដ្ឋ​លេ​ខា​ធិការ​ក្រសួង​វប្បធម៌​និង​វិចិត្រ​សិល្បៈ​ និង​លោក​បណ្ឌិត​ ហេង​ សុផាឌី​ សាកល​វិទ្យា​ធិការ​ស្ដី​ទី​នៃ​សាកល​​​វិទ្យា​​ល័យ​​ភូមិន្ទ​វិចិត្រ​សិល្បៈ។

 


ពិធីចុះហត្ថលេខាលើអនុស្សរណៈនៃការយោគយល់គ្នា រវាងសាកលវិទ្យាល័យភូមិន្ទវិចិត្រសិល្បៈ និង ក្រុមហ៊ុន ជីប ម៉ុង

ថ្ងៃទី ០៤ ខែ កក្កដា ឆ្នាំ២០១៩

សាកលវិទ្យាល័យភូមិន្ទវិចិត្រសិល្បៈ និងក្រុមហ៊ុន ជីប ម៉ុង គ្រុប បានចុះអនុស្សរណៈរួមគ្នា

កាលពីព្រឹកថ្ងៃទី២ ខែកក្កដា ឆ្នាំ២០១៩ សាកលវិទ្យាល័យភូមិន្ទវិចិត្រសិល្បៈ និងក្រុមហ៊ុន ជីប ម៉ុងគ្រុប បានចុះអនុស្សរណៈរួមគ្នា។​ ភាគីហត្ថលេខីគឺលោកបណ្ឌិត ហេង សុផាឌី តំណាងសាកលវិទ្យាល័យភូមិន្ទវិចិត្រសិល្បៈ និង លោកបណ្ឌិត អ៊ឹម សុធារិទ្ធ តំណាងក្រុមហ៊ុន ជីប ម៉ុង គ្រុប។ ពិធីចុះហត្ថលេខានេះត្រូវបានធ្វើឡើងនៅក្នុងបរិវេណសាកលវិទ្យាល័យភូមិន្ទវិចិត្រសិល្បៈដោយមានការចូលរួមជាអធិបតីភាពនិងសក្សីពីសំណាក់ ឯកឧត្តម សោម សុគន្ធ រដ្ឋមន្ត្រីស្តីទីក្រសួងវប្បធម៌និងវិចិត្រសិល្បៈ។

ការចុះហត្ថលេខាលើអនុស្សរណៈនៃការយោគយល់គ្នានេះជាការពង្រីកទំនាក់ទំនងសហប្រតិបត្តិការរវាងគ្នានិងគ្នា និងដើម្បីរួមចំណែកដល់ការអភិរក្ស និងអភិវឌ្ឍមរតកវប្បធម៌ជាតិ។ ជាក់ស្តែងក្រុមហ៊ុន ជីបម៉ុង គ្រុប បានជួយជួសជុលដំបូលអគារ”D” នៃមហាវិទ្យាល័យស្ថាបត្យកម្ម និងនគរោបនីយវិទ្យា ដែលមានសភាពចាស់ទ្រុឌទ្រោម អោយបានល្អប្រសើរឡើងវិញ ប្រកបដោយសាភណ្ឌភាព គុណភាព និងធានាបាននូវសុវត្ថិភាពខ្ពស់។

មិនតែប៉ុណ្តោះ ក្រុមហ៊ុនក៏បានផ្តល់ឳកាសដល់និស្សិតនៃមហាវិទ្យាល័យស្ថាបត្យកម្ម និងនគរោបនីយវិទ្យា បានចូលរួមហាត់ការជាមួយអ្នកជំនាញរបស់ក្រុមហ៊ុនក្នុងគម្រោងជួសជុលកែលម្អរមណីយដ្ឋានប្រវត្តិសាស្ត្រវត្ថភ្នំដែលជានិមិត្តរូបនៃរាជធានីភ្នំពេញ។ លើសពីនេះទៅទៀត ក្រុមហ៊ុន ជីប ម៉ុង គ្រុប ក៏បានផ្តល់ឳកាស និងបង្កភាពងាយស្រួលឱ្យនិស្សិតបានចុះធ្វើកម្មសិក្សានៅតាមការដ្ឋានសំណង់ និងរោងចក្រនានារបស់ក្រុមហ៊ុន។

 

 

 

 

 

 

 

 

 

 

ដំណើរទស្សនកិច្ចរបស់លោកជំទាវនាយករដ្ឋមន្ត្រី នេប៉ាល់

ថ្ងៃទី ១៤ ខែ ឧសភា ឆ្នាំ២០១៩

នារសៀលថ្ងៃទី១៤ ខែឧសភា ឆ្នាំ២០១៩នេះ សាកលវិទ្យាល័យភូមិន្ទវិចិត្រសិល្បៈត្រូវបានផ្តល់កិត្តិយសដោយរាជរដ្ឋាភិបាលកម្ពុជាទទួល​​ស្វាគមន៍​ ដំណើរទស្សនកិច្ចរបស់លោកជំទាវ រ៉ាឌីកា សាក្យា ភរិយាឯកឧត្តម ខេ ភី សាម៉ា អូលី នាយករដ្ឋមន្ត្រី នេប៉ាល់ អមដំណើរដោយសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុន សែន និងមន្រ្តីជាន់ខ្ពស់ជាតិ និងអន្តរជាតិជាច្រើនរូបទៀត។

នាដំណើរទស្សនកិច្ចនេះ ភ្ញៀវកិត្តិយសបានទស្សនាការបង្ហាញស្នាដៃនិស្សិតរបស់មហាវិទ្យាល័យនីមួយៗ និងទស្សនាការសម្តែងសិល្បៈរបស់សិស្ស សាលាមធ្យមវិចិត្រសិល្បៈ។