 |
 |
 |
 |
 |
 |
 |
 |
 |
 |
 |
 |
អំពីនិស្សិត
បច្ចុប្បន្នមាននិស្សិតចូលរៀននៅមហាវិទ្យាល័យបុរាណវិទ្យារវាង១៥ - ៣០នាក់ក្នុងមួយឆ្នាំ ហើយមានថ្នាក់រៀន៤កម្រិតសិក្សា គឺឆ្នាំទី១ដល់ឆ្នាំទី៤។ រីឯថ្នាក់អនុបណ្ឌិត រៀនរយៈពេលពីរឆ្នាំ គឺជំនាន់ទី១ មាននិស្សិតចំនួន១៦នាក់។
១. ថ្នាក់បរិញ្ញាបត្រ
-
មហាវិទ្យាល័យបុរាណវិទ្យាជ្រើសរើសនិស្សិតអាហារូបករណ៍ចំនួន៣០នាក់ហើយអ្នក ដែលចង់ចូលមកសិក្សាបុរាណវិទ្យាគឺជ្រើសរើសជំនាញនេះនៅពេលកំពុងរៀន
នៅមធ្យមសិក្សាចំណេះទូទៅកម្រិត២ (បាក់ឌុប)ដែលមានក្នុងសៀវភៅ កម្រងពត៌មានសម្រាប់ជំនួយដល់បេក្ខជនស្នើសុំអាហារូបករណ៍ចូលរៀន ថ្នាក់បរិញ្ញាបត្រនៅគ្រឹះស្ថានឧត្តមសិក្សា ហើយបានប្រឡងជាប់ជាស្ថាពរ។ ចំពោះអ្នកប្រឡងជាប់បាក់ឌុបហើយ តែពុំជាប់ឈ្មោះទទួលបានអាហារូបករណ៍ អាចចូលរៀននៅមហាវិទ្យាល័យបុរាណវិទ្យាបានដោយបង់ថ្លៃសិក្សា គឺឆ្នាំទី១ថ្លៃ៣០០ដុល្លារ ហើយឆ្នាំទី២ដល់ទី៤ ថ្លៃ៤០០ដុល្លារក្នុងមួយឆ្នាំ។
២. ថ្នាក់អនុបណ្ឌិត
- និស្សិតអាហារូបករណ៍ថ្នាក់អនុបណ្ឌិតផ្នែកមនុស្សសាស្ត្រ (នរវិទ្យា, ភាសាវិទ្យា, ប្រវត្តិសាស្ត្រ) ក្នុងកម្មវិធី MOUSSON ដែលរៀបចំដោយវិទ្យាស្ថាន INALCO រៀនជាភាសាបារាំង ទាល់តែបញ្ចាប់ការសិក្សាថ្នាក់បរិញ្ញាបត្រផ្នែកមនុស្សសាស្ត្រ ក្នុងកម្មវិធី MOUSSON ដោយតម្រូវឲ្យមានការប្រឡង និងបំពេញលក្ខខណ្ឌសិក្សាមួយចំនួនរបស់វិទ្យាស្ថាន INALCO នៃប្រទេសបារាំង។
- និស្សិតបង់ថ្លៃថ្នាក់អនុបណ្ឌិតផ្នែកមនុស្សសាស្ត្រ (នរវិទ្យា, ភាសាវិទ្យា, ប្រវត្តិសាស្ត្រ) ក្នុងកម្មវិធី MOUSSON ដែលរៀបចំដោយវិទ្យាស្ថាន
INALCO រៀនជាភាសាបារាំង។ និស្សិត ត្រូវមានសញ្ញាបត្របរិញ្ញាបត្រ មានមុខវិជ្ជាប្រហាក់ប្រហែល និង មានចំណេះដឹងផ្នែកភាសាបារាំង។
រៀនរយៈពេល២ឆ្នាំ ដោយបង់ថ្លៃ៦០០ ដុល្លារ ក្នុង១ឆ្នាំ។
 |
 |
 |