 |
 |
 |
 |
 |
 |
 |
 |
 |
 |
 |
 |
ប្រវតិ្ត
 |
 |
 |
|
ដំបូងឡើយ មជ្ឈមណ្ឌលស្រាវជ្រាវវប្បធម៌ វិទ្យាសាស្រ្ត នៃសាកលវិទ្យាល័យភូមិន្ទវិចិត្រសិល្បៈ មានឈ្មោះដើមថា «ការិយាល័យស្រាវជ្រាវវប្បធម៌» បង្កើតឡើងនៅក្នុងឆ្នាំ ១៩៨១ ក្រោមគំនិតផ្តួចផ្តើមរបស់លោកព្រឹទ្ធាចារ្យ ឆេង ផុន ជារដ្ឋមន្រ្តីក្រសួងវប្បធម៌ និងវិចិត្រសិល្បៈ។ ការិយាល័យនេះ មានទីតាំងស្ថិតនៅមុខវត្តកោះ ដែលមានលោកសាស្រ្តាចារ្យ យី ធន់ ព្រមទាំងសាស្រ្តាចារ្យមួយចំនួនទៀត ជាអ្នកទទួលបន្ទុកដឹកនាំ។
ពីឆ្នាំ ១៩៨៦ ដល់ ១៩៩៣ ការិយាល័យស្រាវជ្រាវវប្បធម៌ បានរើទៅទីតាំងថ្មីនៅអតីតសាលា ថាច ជា (ខាងលិចស្តាតចាស់) និងស្ថិតនៅក្រោម ការគ្រប់គ្រងរបស់សាកលវិទ្យាល័យវិចិត្រសិល្បៈ។ លុះដល់ឆ្នាំ១៩៩៤ ក្រោមការដឹកនាំរបស់ ឯកឧត្តមរដ្ឋមន្រ្តី ក្រសួងវប្បធម៌ និង វិចិត្រសិល្បៈ នុត ណារាំង ការិយាល័យស្រាវជ្រាវវប្បធម៌ ក៏បានប្រែក្លាយទៅជា «មជ្ឈមណ្ឌលស្រាវជ្រាវវប្បធម៌ វិទ្យាសាស្រ្ត» មានឋានៈស្មើនាយកដ្ឋាន ឬមហាវិទ្យាល័យ។ រីឯការងារដឹកនាំរបស់មជ្ឈមណ្ឌល បានប្រគល់ជូនលោក ឡោ សាន ជាប្រធានមជ្ឈមណ្ឌលសា្រវជ្រាវវប្បធម៌វិទ្យាសាស្រ្ត និងថ្នាក់ដឹកនាំដទៃទៀត ដូចជាលោកសាស្រ្តាចារ្យ ប៉ោ ទៀង លោកសាស្រ្តាចារ្យ សាន ស៊ីសាមុត ជាដើម។
ពីឆ្នាំ២០០០ ដល់ ២០០៤ លោក ម៉ៅ ងីហុង ត្រូវបានតែងតាំងជាប្រធាន និងលោក អន បញ្ញា ជាអនុប្រធានដឹកនាំមជ្ឈមណ្ឌលនេះ ក្រោយពេល លោកសាស្រ្តាចារ្យមុនៗបានចូលនិវត្ត។ ពីឆ្នាំ ២០០៥ ដល់ ២០១៥ លោក អន បញ្ញា បានត្រូវតែងតាំងជាប្រធានមជ្ឈមណ្ឌល ហើយចាប់ពីខែមករា ឆ្នាំ២០១៦ រហូតមកដល់បច្ចុប្បន្ននេះ លោក ជី រដ្ឋា ទទួលភារកិច្ចជាប្រធានរបស់មជ្ឈមណ្ឌលស្រាវជ្រាវវប្បធម៌ វិទ្យាសាស្រ្ត។
សកម្មភាព
មជ្ឈមណ្ឌលស្រាវជ្រាវវប្បធម៌ វិទ្យាសាស្រ្ត បានបង្កើតឡើងដើម្បីចូលរួមអនុវត្តបេសកកម្មរបស់សាកលវិទ្យាល័យភូមិន្ទវិចិត្រសិល្បៈដែលផ្តោតសំខាន់ទៅ លើការងារបណ្តុះបណ្តាល, ស្រាវជ្រាវ និងចូលរួមចំណែកអភិរក្សមរតកសិល្បៈ និងវប្បធម៌ខ្មែរ។
 |
 |
 |