 |
 |
 |
 |
 |
 |
 |
 |
 |
 |
 |
 |
មហាវិទ្យាល័យសិល្បៈសូនរូប
ការបង្កើតសាលារចនានៅក្នុងព្រះបរមរាជវាំង (យោងតាមចុតហ្មាយ លេខ ២៥៩ ចុះ ថ្ងៃទី១២ ខែមេសា ឆ្នាំ១៩១៧ ថាមានព្រះរាជប្រកាសមួយច្បាប់ ចុះ ថ្ងៃទី១៦ ឆ្នាំជូត ចត្វាស័ក ត្រូវនឹងថ្ងៃទី១៧ មេសា១៩១២)។ ដោយព្រះរាជវាំងមានទីតាំងចង្អៀតពេកទើបព្រះករុណាស៊ីសុវត្ថិបានចាត់ឲ្យវិចិត្រករ បារាំងមួយរូបឈ្មោះ Geroges Grolier រួមជាមួយវិចិត្រករ សិល្បករជំនាញៗរបស់ខ្មែរប្រាំពីររូបមករៀបចំបង្កើតសាលារចនាថ្មី Ecole des Arts Cambodgiens ទីតាំងបច្ចុប្បន្នខាងជើងព្រៈបរមរាជវាំងជាមួយសារ មន្ទីរមួយមានឈ្មោះ Albert Sarraut (បច្ចុប្បន្នជា សារមន្ទីរជាតិ)។
សាលារចនានិងសារមន្ទីរជាតិបច្ចុប្បន្ន បានធ្វើពិធីសម្ពោធក្រោមព្រះរាជធិបតីភាពរបស់ព្រះករុណា
ហ្លួងស៊ីសុវត្ថិ និងលោក រ៉េស៊ីដងស៊ុបប៉េរ្យឺ បូដ័រ(résident supérieur Baudoir)នៅឆ្នាំ១៩២០។ អ្នកឯកទេសខ្មែរដែលរួមជាមួយវិចិត្រករជនជាតិបារាំង Geroges Groslier (អង្គុយកណ្តាល)
កសាងសាលារចនាមានដូចជា ៖
- លោក កេត រឿន ឯកទេសខ្មុក
- លោក ភួឈួយ ម៉ៅ ឯកទេសគំនូរបុរាណនិងសំណង់
- លោក ទេព និម្មិតទន់ខៀវ ឯកទេសចម្លាក់ឈើ-ពុម្ព
- លោក សំពីណ ចុងឡង ឯកទេសចម្លាក់ប្រាក់
- លោក ប្រសើរ លិខិតម៉ុក ឯកទេសចម្លាក់ឈើ-ពុម្ព
- លោក អ៊ុក យ៉ន ឯកទេសចម្លាក់ស្មិត
- លោក ប្រសើរ លេខ ឯកទេសតម្បាញ
 |
 |
 |
 |
 |
 |
- ឆ្នាំ១៩៤៦ សាលារចនាខេមរៈ ប្តូរទៅជាសាលាវិចិត្រសិល្បៈ
- ឆ្នាំ១៩៦៥ សាលាវិចិត្រសិល្បៈខេមរៈ ត្រូវបានតំឡើងទៅជាសាកលវិទ្យាល័យភូមិន្ទវិចិត្រសិល្បៈ ដែលមាន០៥ មហាវិទ្យាល័យ។
- ឆ្នាំ១៩៧០ ដល់ ១៩៧៥ សាកលវិទ្យាល័យភូមិន្ទវិចិត្រសិល្បៈត្រូវបានប្តូរទៅជាសាកលវិទ្យាល័យ វិចិត្រសិល្បៈវិញដែលមហាវិទ្យាល័យសិល្បៈ
សូនរូបនៅមានឈ្មោះដដែល។ - ឆ្នាំ១៩៧៥ ដល់ ១៩៧៩ របបប៉ុលពតសាកលវិទ្យាល័យ មហាវិទ្យាល័យ ត្រូវបានបិទទ្វារទាំងស្រុង។
- ឆ្នាំ១៩៨០ ត្រូវបានបើកសាលាវិចិត្រសិល្បៈឡើងវិញតាមសេចក្តីសម្រេចលេខ ៨៦៨០ក.បចុះថ្ងៃទី៩ ខែឧសភា ឆ្នាំ១៩៨០ ហើយដែលត្រូវបានសម្ពោធជាផ្លូវការនៅថ្ងៃទី២៧/១/១៩៨១ ក្រោមអធិបតីភាពសម្តេច ជា ស៊ីម និងឯកឧត្តមរដ្ឋមន្ត្រី កែវ ចិន្តាមានប្រាំសាលា និង មានសិស្សអាហារូបករណ៏៤៨០នាក់។
- ឆ្នាំ១៩៨៩ បានបើកសាលាវិទ្យាល័យសិល្បៈ មកវិញដោយតាមអនុក្រិត្យលេខ ៤៧ អនក្រ ចុះថ្ងៃទី៥ ខែតុលា ឆ្នាំ១៩៨៨ ដែលមានមហាវិទ្យាល័យចំនួនប្រាំ ចំណុះដូចជាឆ្នាំ១៩៦៥ដែរ។
- ឆ្នាំ១៩៩៧ សាកលវិទ្យាល័យវិចិត្រសិល្បៈ បានប្តូរឈ្មោះមកជាសាកលវិទ្យាល័យភូមិន្ទវិចិត្រសិល្បៈ រហូតមកដល់បច្ចុប្បន្ន។